مجھے اُس شہر جانا ہے
کسی شطرنج کے مہرے کی صورت زندگانی ہے
تجھے کیسے بتاؤں کس طرح رسوا کہانی ہے
کہ میں بھی بیٹیوں کا باپ ہو کر درد سہتا ہوں
ہر اِک لمحہ صحن میں خوف کا منہ تکتے رہتا ہوں
اچانک ڈاکئے کے ہاتھ کی دستک جو سنتا ہوں
تو میں بھی بیتئوں کا باپ ہوں
دل میں
کئی قصے بھت سے وسوسے مسکن بناتے ہیں
مجھے بازار کے یک نوجوان کی یاد آتی ہے
جو میرے پاس آتا ہے
میری جھکی کمر کو دیکھ کر گٹھڑی اٹھاتا ہے
کوئی مشکل گھڑی آئے وہ میرے کام آتا ہے
میرا دل پھر بھی لیکن وسوسوں میں گھر سا جاتا ہے
کہ جیسے ڈاکیہ کے ہاتھ جو پیغام ہے گویا
کہیں نامہ وہ میری بیتیوں کے نام ہے گویا
کھیں یاس نوجواں کمبخت کا یہ کام ہے گویا
مگر وہ ڈاکیہ یک دوسرا پیغام لایا ہے
وہ خط مالک کی جانب سے مکیں کے نام آیا ہے
وہ میرے در بدر کے ہونے کے احکام لایا ہے
میں اپنی بیٹیوں کو ساتھ میں لے کر
ابھی کس سمت جاؤں کس طرف چھایا اجالا ہے
میرے آقا بتا شہرِ سکوں کا کیا حوالہ ہے
مجھے اُس شہر جانا ہے وہاں یک گھر ملا چاہے
نری یک چار دیواری کوئی چادر ملا چاہے
مجھے اُس شہر جانا ہے
جو مجھ کو راس اجائے
مجھے احساس آجائے
کہ میں محفوظ
میری بیٹیاں محفوظ
سب محفوظ ہوں جس میں
مجھے اُس شہر جانا ہے.
ارشاد علی
فائنل ایئر کی ڈائری سے
تصحیح:-
۔
کھیں یاس نوجواں کمبخت ... کہیں اُس نوجواں کمبخت
تو میں بھی بیتئوں کا باپ ہوں ... تو میں بھی بیٹیوں کا باپ ہوں ارشاد علی(اس پر بھی تبصرہ کریں)
بہت خوبصورت نظم ہے
میرا پاکستان(اس پر بھی تبصرہ کریں)
میرا پاکستان´s last blog ..پاک فوج کو سلام
منیر عباسی صاحب !
محترم!، صرف بیٹیوں کے باپ کو ہی نہیں۔ بلکہ بد نصیبی سے،پاکستان میں آجکل سب کو ہی ایسے "شہرِ امن" کی تلاش ہے۔
تاریخ میں اکثر یہ پڑھنے میں آتا ہے کہ کون کونسے معاشروں نے تہذیب و تمدن میں بتدریج ترقی کرتے ہوئے تہذیب کی انتہاؤں کو چھولیا۔ اور وقت کے ساتھ ساتھ اپنی ارتقائی خامیوں کو درست کیا۔ مگر خدا جانے ہمارے ہاں کیوں ہم تہذیب کی بجائے جنگلی معاشرے کی طرف اتنی تیزی سے سفر کر رہے ہیں۔ بنی اسرائیل کے جو کرتُوت قرآنِ کریم نے بیان کئیے ہیں۔ مجھے تو سب کرتوت اپنے معاشرے میں نظر آتے ہیں۔ خدا ہمارے حال پہ رحم کرے۔ آمین
نظم بہر حال بہت خوب ہے ۔ اور جوان بیٹیوں کے ایک باپ کے خدشات کے مطابق ہے۔ جاوید گوندل ۔ بآرسیلونا ۔ اسپین(اس پر بھی تبصرہ کریں)
بيٹيوں سے اتنا ڈرنے کی ضرورت نہيں کہ انہيں خوف اور بيچارگی کی علامت بنا کر پيش کيا جائے بس انکو تعليم کے ساتھ کانفيڈنس ديں تو نہ انکو بيچارگی کا احساس ہو نہ باپ کو ايسی نظميں لکھنی پڑيں اسماء پيرس(اس پر بھی تبصرہ کریں)
جاوید گوندل صاحب نظم اور پوسث میری ہے بلاگ پر کوئی مسئلہ ہے جس کی وجہ سے لکھاری کا نام پس پردہ چلا جاتا ہے۔ اور ہم جیسے نوواردوں کی چھ گھنٹوں کی محنت مفت مں ضائع ہو جاتی ہے۔ پسند کرنے کا شکریہ
.
اسماء نفسٍ مضمون بیٹیوں کی بیچارگی سے زیادہ باپ کی خدشات کا ترجمان ہے۔ آج سے چھ سال پہلے لکھی گئی نظم ہے۔ جب میں خود نوجوان تھا "کم بختی" کا علم نہیں۔ ارشاد علی(اس پر بھی تبصرہ کریں)
محترم ارشاد علی صاحب!
آپکی نظم بہت خوب ہے۔ دراصل میں نے منیر عباسی صاحب کو اسلئیے مخاطب کیا ہے کہ وہ یہاں بیٹھے ہوتے اپنا اسٹیتھسکوپ گلے میں ڈالے۔ تو اسلئیے انھیں مخاطب کیا تھا۔ ورنہ تعریف آپ کی نظم کی ہی کی تھی ۔ جاوید گوندل ۔ بآرسیلونا ۔ اسپین(اس پر بھی تبصرہ کریں)